WANAUME WAMETAKIWA KUPIGANIA HAKI ZA WANAWAKE

Machi 8 ya kila Mwaka siku ya Wanawake Duniani huadhimishwa ikiwa ni Muitikio wa Azimio la Umoja wa Mataifa huku Tanzania ikiwa ni miongoni mwa nchi za Umoja wa Mataifa inaungana na Nchi nyingine Kuadhimisha siku hiyo huku kauli mbiu ikisema Tanzania ya viwanda wanawake ni msingi wa mabadiliko ya kiuchumi.

Akizungumza na Waandishi wa Habari Bi Wamoja Ayubu ambaye ni Katibu Tawala wa ofisi ya Mkuu wa Mkoa wa Iringa amewaomba wanawake walio katika Utumishi wa Umma kutumia fursa mbalimbali zilizopo kujiendeleza kielimu.

“Ofisi ya Rais Menejimenti ya Utumishi wa Umma ilikua na mpango wa kutoa ufadhili wa masomo wa Shahada ya Uzamili kwa watumishi wa Umma wanawake ambao ulitekelezwa kwa takribani Miaka 8 kuanzia 2008 hadi 2012, kwa kipindi hicho wanawake 251 walifanikiwa kupata Shahada ya Uzamili katika Vyuo mbalimbali Nchini Mwetu na wanawake hao wote waliweza kupandishwa vyeo baada ya kumaliza masomo yao na mimi ni mmoja wapo kati ya hao wanawake”. Alisema Wamoja Ayubu.

 

Bi Wamoja alipata ufadhili na kusoma Shahada ya Uzamili katika Fani ya Usimamizi wa Biashara ambapo alijiunga na Chuo kikuu cha Dar Es Salaam mwaka 2006 na kuhitimu mwaka 2008 Huku Kabla ya Kupata Shahada ya Uzamili alikua Afisa Utawala Mkoa wa Pwani na baada ya kuhitimu alinufaika na Elimu hiyo kwani Aliongeza Ufanisi Kazini na aliweza kupandishwa cheo mpaka kufikia Katibu Tawala wa Mkoa.

Aidha Bi Wamoja amewaomba watu wote waungane kwa pamoja kuongeza Jitihada katika kupigania haki za wanawake kwani bado wanakabiliwa na Changamoto nyingi ikiwemo uelewa mdogo wa masuala mbalimbali hali inayowafanya kutojiamini.

Wamoja amesema kutokana na kauli mbiu ya Tanzania ya viwanda wanawake ni msingi wa mabadiliko ya kiuchumi, Wanawake wamekua na mchango mkubwa katika Ujenzi wa Tanzania ya Viwanda hivyo kuna haja ya kuwapa nafasi ya kutosha na kuendeleza viwanda.

Katika Hatua nyingine Wamoja amewaomba watu wote kusimamia haki za wanawake hususani Wanaume kwa kuhakikisha wanapata Elimu na wanapopata nafasi za uzamili waweze kuwasapoti ili kuongeza uelewa na ufanisi wa kazi katika Utumishi wa Umma.

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.