Urusi na Ureno vitani leo kombe la mabara

Wachezaji wa Ureno luis Nani kushoto, Pepe katikati na Cristiano Ronaldo kulia wakifanya mazoezi kujinada na mchezo dhidi ya Urusi 

Michuano ya kombe la mabara itaendelea tena leo hii kwa michezo miwili ya kundi A kuchezwa, wenyeji Urusi watashuka katika dimba la Otkrytiye Mjini Moscow, kucheza na Ureno .

Mwamuzi Gianluca Rocchi kutoka Italia ndie atakae chezesha mchezo huo wa wenyeji na Ureno na mchezo huo utacheza saa kumi na mbili jioni kwa saa za Afrika mashariki.

Na mchezo wa pili wawakilishi wa bara la Afrika katika michuano hiyo timu ya Cameroon watashuka katika dimba la Fisht Olympic kupepetana na New Zealand , mchezo huo utachezeshwa na mwamuzi Bakary Gassama kutoka Gambia.

Kikosi cha wawakilishi wa bara la Afrika timu ya taifa ya Cameroon 

Urusi ndio vinara wa kundi A wakiwa na alama tatu baada ya kupata ushindi dhidi ya New Zealand, Ureno na Cameroon wao wana alama moja moja na New Zealand wanaburuza mkia wakiwa hawana alama hata moja.

 

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.