WANANCHI KITWIRU IRINGA WAMSUBIRI KWA HAMU RAIS MAGUFULI

WANANCHI NA VIONGOZI WA KATA KATIKA MKUTANO WA HADHARA

MWENYEKITI KIBWABWA B KATIKATI HAMIS MHEHE KUSHOTO KWAKE DIWANI WA KATA YA KITWIRU MHE. BARAKA KIMATA NA KULIA NI AFISA MTENDAJI WA KATA SALUM UPETE

BAADHI YA AKINA MAMA WALIOFIKA KATIKA MKUTANO HUO

MHE. BARAKA KIMATA DIWANI AKIZUNGUMZA NA WANANCHI WAKE

Na Dajari Mgidange, Iringa

Wananchi wa Kata ya Kitwiru Manispaa ya Iringa wanamsubiri kwa hamu ujio wa Rais wa Jamhuri ya Muungano wa Tanzania Dr. John Pombe Magufuli katika sherehe za wafanyakazi Mei Mosi.

Katika sherehe hizo ambazo hufanyika kila mwaka Tarehe Moja mwezi wa Tano ambapo Kitaifa zinatarajiwa kufanyika Mkoani Iringa na kwa mara ya kwanza tangu kuchaguliwa kwa Rais Magufuli atakuja Mkoani hapa kama mgeni Rasmi wa Maadhimisho hayo.

Wakizungumza katika Mkutano wa hadhara uliofanyika katika kata hiyo jana Jumamosi ya Tarehe 14/04/2018 na kuhudhuriwa na Diwani wa Kata hiyo Mhe. Baraka Jeremiah Kimata, wananchi hao wameonesha kufurahishwa na kusikia ujio wa Mheshimiwa Rais.

“Mimi nimefurahishwa sana na nimepokea kwa shangwe kubwa kuja kwa Mhe. Rais kwani kutafungua fursa kwa sisi akina mama kwa kuhudhuria na kufanya Biashara zetu mbalimbali”. Alisema Bi Fatuma Kasirani Mwananchi wa Kta hiyo.

Mwenyekiti wa Mtaa wa Kibwabwa B Hamis Mhehe maarufu kwa jina la “Balaa” amewasihi wananchi wake kujitokeza kwa wingi katika siku hiyo ya wafanyakazi ikiwa ni mara yake ya kwanza kufika Mkoani Hapa tangu Achaguliwe kuwa Rais Mwaka 2015.

Kwa upande wake Diwani wa Kata hiyo Mhe. Baraka  Kimata amesema kuwa Rais Magufuli na sera yake ya “Hapa Kazi tu” imeleta chachu ya maendeleo na usawa katika jamii yetu kwani amepunguza “Gap” lililokuwepo kwa matajiri na masikini waliokuwa wakitumia pesa ovyo.

“Mwanzo tulizoea kula vitu vya dili lakini sasa kila mtu anakula kile alichokitafuta mwenyewe na zamani tulilalamika kuwa awamu iliyopita Rais alikuwa akisafiri sana lakini awamu hii Rais ameamua kutulia nyumbani na ndio maana watu haweleti mzaha”. Alisema Kimata.

Aidha Kimata amewataka wananchi kujitokeza kwa wingi katika sherehe hizo za Mei Mosi kwa wale waliomchagua Rais na hata ambao hawakumchagua na kuwasisitizia kuwa hata yeye pia atakwenda kumuona katika maadhimisho hayo.

Katika Hatua nyingine amewaomba wananchi kutoa ushirikiano katika maendeleo ya kata hiyo hasa katika swala la ulinzi na usalama wao kwa kuwafichua Wahalifu wanaofanya uhalifu katika majumba ya watu na maduka.

Naye Afisa Mtendaji wa Mtaa wa Kibwabwa “B” Bw. Salum Upete katika swalala ulinzi na usalama amewataka wananchi wa kata hiyo kutoa ushirikiano wa zoezi la uandikishwaji wa wakazi wa maeneo hayo ikiwa ni katika swala la utambuzi ili linapotokea swala la Uharifu waweze kutambuana.

Siku chache zilizopita katika Kata hiyo Kumekuwa na matukio ya uhalifu ya uvamizi wa maduka na nyumba za watu na kuibwa kwa vitu mbalimbali vya maduka na nyumba za wananchi wa Kitwiru.

Rais Magufuli anatarajiwa kuwa Mgeni rasmi katika Sherehe za Mei Mosi zitakazofanyika Kitaifa Mkoani Hapa tarehe moja Mei na kuhudhuriwa na viongozi mbalimbali watakaofika Mkoani hapa katika sherehe hizo.

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.