JPM KUWA MGENI RASMI KITAIFA MEI MOSI IRINGA

Rais wa TUCTA Tumaini Nymhokya katikati akizungumza na waandishi wa Habari

Na Dajari Mgidange,

Rais wa Jmhuri ya muungano wa Tanzania Dr John Pombe Joseph Magufuli anatarajiwa kuwa mgeni rasmi katika maadhimisho ya siku ya wafanya kazi Mkoani Iringa.

Katika mkutano wake na waandishi wa habari Mkoani hapa Rais wa TUCTA bwana Tumaini Nyamhokya amesema kuwa kuelekea siku hiyo ya wafanyakazi Mei Mosi Iringa kutaambatana na matukio mbalimbali ikiwemo semina na makongamano yatakayofanyika katika wilaya zote za Iringa.

“Kutakuwa na makongamano mawili ya Kimkoa na moja la Kitaifa , Kongamano la kwanza litafanyika tar 23.04.2018 katika wilaya ya Mufindi na Kongamano la pili litafanyika tar 25.04.2018 Wilayani Kilolo na tar 27 mwezi huu kutafanyika Kongamano kubwa la Kitaifa litakalohusu Tanzania na Uchumi wa Viwanda katika ukumbi wa kichangani Manispaa ya Iringa”. Alisema Nyamhokya.

Nyamhokya amesema kuwa kutakuwa na michezo ya Mei Mosi ya fani mbalimbali itakayoanza tarehe 16 mwezi huu wanne mpaka tarehe 30 mwezi huu ambayo itakuwa ikifanyika katika viwanja vya Samora na Mkwawa.

Kila mwaka sherehe hizi hufanyika na huambatana na ujumbe na mwaka huu katika maadhimisho hiyo ujumbe unasema "KUUNGANISHWA KWA MIFUKO YA HIFADHI YA JAMII NCHINI KULENGE KUBORESHA MAFAO YA WAFANYAKAZI".

Hii itakuwa mara ya kwanza kwa Rais Dr. John Pombe Magufuli kutua Iringa tangu kuchaguliwa kwake kuwa Rais mwaka 2015

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.