RPC Iringa: Abdul Nondo huyu hapa mzima na hana jeraha lolote!

Mwenyekiti wa Mtandao wa Wanafunzi nchini ABDUL NONDO ambaye pia ni Mwanafunzi wa Chuo Kikuu Dar es Salaam UDSM aliye ripotiwa kupotea katika mazingira ya kutatanisha amepatikana akiwa hai eneo la Mafinga mkoani Iringa.

Akithibitisha kupatikana kwa Mwanafunzi huyo Kamanda wa Jeshi la Polisi Mkoani Iringa RPC JUMA BWILE amesema jana majira ya saa 1 ABDUL alifika kituo cha Polisi Mafinga Wilayani Mufindi na kueleza kuwa alitekwa na watu wasiofahamika.

 Amesema Abdul Nondo ni kijana mwenye umri wa miaka 24 na anasoma shahada yake ya kwanza kitivo cha Siasa na Utawala katika Chuo kikuu Dar Es Salaam ambako hivi karibuni alipotea katika mazingira ya kutatanisha jijini humo.

"Kijana huyu amepatikana akiwa salama akiwa hana jeraha lolote lile kama ambavyo mnamuona na mpaka uchunguzi utakapokamilika ataruhusiwa kuzungumza ila kwa sasa yupo kwenye uchunguzi" Alisema Kamanda Bwile.

 Aidha Kamanda BWILE amesema wanaendelea kufanya uchunguzi wa tukio hilo na endapo kama ametoa taarifa za uongo watamshughulikia kama wahalifu wengine.

Tazama tukio zima Abdul Nondo akifikishwa Makao makuu ya Polisi Leo hapa Mkoani Iringa 

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.