MKURUGENZI: WANAWAKE KUWENI MSTARI WA MBELE UCHUMI WA VIWANDA

Muwakilishi Wa mkurugenzi mtendaji Wa wangingombe mkoani Njombe (Kulia) katika kata ya Itulahumba Mwanasheria Mansoor said Ngenzi Akiongoza Maandamano ya Siku ya wanawake Duniani katika kata ya Itulahumba.

Mkurugenzi mtendaji Kata ya Itulahumba Wilayani wangingombe akikabidhi Zawadi kwa watoto yatima ikiwa Sehemu ya maazimisho ya Ya siku ya wanawake Duniani.

KuliaMwenyekiti Wa UWT Kijiji cha Itulahumba akiwa mstali Wa mbele katika maandamano hayo.

Ikiwa leo ni siku ya maadhimisho wanawake Duniani ambayo kila mwaka hufanyika tarehe 08 mwezi machi ambapo kwa mwaka huu maadhimisho hayo kwa Mkoa wa Njombe yamebebwa na kauli mbiu isemayo KUELEKEA UCHUMI WA VIWANDA TUIMARISHE USAWA WA KIJINSIA NA UWEZESHAJI WA WANAWAKE VIJIJINI.

Kwa Mkoa wa Njombe Katika Wilaya ya Wanging’ombe kata ya Italumba maadhimisho ya siku ya wanawake Duniani yameadhimishwa kwa maandamano yaliyobebwa na ujumbe wa mabango mbalimbali.

Akizungumza Mgeni rasmi wakati wa Maadhimisho hayo, mwakilishi wa Mkurugenzi mtendaji wa Wilaya ya Wanging’ombe Ndugu Mansoor Said Ngenzi amewataka wanawake wa kata hiyo kusimama imara na kuwa mstari Wa mbele katika kuelekea Uchumi Wa Viwanda kwani haki ni sawa kwa wote pasipo na ubaguzi wowote.

Aidha Ngenzi amewataka wanawake kuzijua haki zao za msingi katika shughuli za maendeleo zitakazowaondolea migogoro isiyo na misingi katika jamii wanazoishi.

Kadhalika, Mkurugenzi huyo amewataka wananchi hao wa kata hiyo kutoa taarifa ya vitendo mbalimbali vya kikatili vinavyoendelea majumbani mwao ambavyo mara nyingi wamekuwa wakivifumbia macho kwa vitisho na waume zao.

Katika hatua nyingine Ngenzi Amewataka wazazi wote wa kata hiyo kuwapeleka watoto wote shuleni ambao wamefikia umri wa kwenda shule kwani Serikali ya Awamu ya Tano chini ya Rais Dr John Pombe Magufuli imedhamiria kwa dhati wanafunzi wote kusoma bure.

“Hakikisheni watoto wote mnawapeleka mashuleni hata wale wenye watoto watoro warudishwe haraka kuendelea na masomo”. Alisema Ngenzi.

Baada ya kuyasema hayo, Mkurugenzi alitoa zawadi kwa watoto yatima  ikiwa ni Sehemu ya maadhimisho ya siku ya wanawake Duniani.

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.