Nyumba elfu moja zaharibiwa na mafuriko nchini Nigeria

 

Mratibu wa huduma za dharura wa shirika la kimataifa la wahajiri amesema kuwa, nyumba zisizopungua elfu moja zimeharibiwa na mafuriko kaskazini mashariki mwa Nigeria.

Kwa mujibu wa shirika la habari la IRIB, mratibu huyo alitangaza habari hiyo jana na huku akiashiria kuanza msimu wa mvua katika eneo la kaskazini mashariki mwa Nigeria na kutokea mafuriko kwenye eneo hilo amesema, watu wasiopungua 43,000 wamelazimika kuyakimbia makazi yao kutokana na kuharibiwa na mafuriko.

Kwa mujibu wa ripoti hiyo, ajenda kuu ya shirika la kimataifa la wahajiri hivi sasa ni kuwatafutia makazi mapya watu walioathiriwa na mafuriko hayo.

 

Mbali na majanga ya kimaumbile, wananchi wa Nigeria wanakabiliwa pia na mashambulizi ya genge la kigaidi la Boko Haram

Itakumbukwa kuwa, hivi karibuni, Ofisi ya Kuratibu Misaada ya Kimataifa ya Umoja wa Mataifa ilisema mjini Lagos Nigeria kuwa, mamilioni ya wananchi wa mikoa mitatu ya Yobe, Borno na Adamawa ya kaskazini mashariki mwa nchi hiyo wanahitajia misaada ya haraka ya chakula, lakini kutokana na kukosekana fedha za kutosha, mashirika ya misaada ya kibinadamu yamelazimika kufunga ofisi zao kwenye mikoa hiyo.

Ripoti ya ofisi hiyo ya Umoja wa Mataifa iliongeza kuwa, kukosekana fedha kumeathiri vibaya juhudi zote zilizofanyika hadi hivi sasa na hivi sasa ripoti zinaonesha kuzidi kuwa mbaya hali ya wakazi wa mikoa hiyo ambao wanashindwa kuendesha kazi zao za kawaida kama vile kilimo kutokana na sababu mbalimbali yakiwemo mashambulizi ya mara kwa mara ya magaidi wa Boko Haram.

 

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.