WATU 12 WAMEJERUHIWA KATIKA AJALI MLIMA KITONGA

MABASI MAWILI YAKIWA YAMEACHA NJIA NA KWENDA MTARONI BAADA ABOOD KUGONGA BASI LA HAPPY NATION

 BAADHI YA MASHUHUDA WAKIWA KATIKA ENEO LA TUKIO

MZIGO ULIOKUA UMEBEBWA NA GARI AINA YA FUSO LIKELEKEA DAR ES SALAAM UKIWA PEMBEZONI MWA BARABARA

Ajali hiyo imetokea ikihusisha basi Mali kampuni ya ABOOD ambalo liafanya safari zake kutoka Mbeya kwenda Dar Es Salaam ambalo lilifeli breki katika mlima wa Kitonga uliopo wilayani Kilolo mkoani Iringa na kugonga magari mawili na kisha kupinduka.

Basi hilo la abiria la Abood lenye namba za usajiri T729 AZG Liligonga basi la kampuni ya HAPP NATION lenye namba za usajiri T427 DDT na kisha kuligonga gari aina ya Fuso lenye nambari za usajiri T191 CXU Ambayo yote yaliacha njia na kupinduka nje ya barabara.

Kamanda wa jeshi la Zima moto mkoani Iringa bwana Kennedy Komba amethibitisha kutokea kwa ajali hiyo na kusema kua chanzo cha ajali ni kufeli kwa breki kwa basi la Abood na kugonga basi la Happy Nation na Fuso ambalo lilikua limebeba mzigo wa ndizi na yote yalikua yakielekea   Dar Es Salaam.

“Mpaka sasa majeruhi ni 12 na wengine wamepewa rufaa kutokana na hali yao sio nzuri na kupelekwa Hospitali ya rufaa ya Mkoani Iringa”. Alisema Komba

Komba amewataadharisha madereva kutokana na mlima huo hatari kwa kuweka umakini wakati wanaendesha magari na kuendesha mwendo wa wastani ambao hautaleta madhara katika jamii.

Aidha kamanda amesema wanampango mahsusi kuanzisha kituo cha uokozi eneo la Ilula pindi tukio linapotokea waweze kutoa msaada kwa wakati. Aidha ametoa rai kwa wananchi pindi matatizo ya ajali yanavyotokea waweze kutoa taarifa kituo cha Polisi ili waweze kutoa msaada kwa haraka zaidi kwa kupiga nambari ya Msaada ambayo ni bure 114.

Mkuu wa Mkoa wa Iringa Mh Amina Masenza alifika eneo la tukio na kujionea hali halisi ya ajali ilivyotokea na kusisitiza kwa madereva wote wanaopita katika eneo hilo kua ni hatari na waweze kuchukua tahadhari kwani tunazidi kupoteza maisha ya Watanzania.

Mbunge wa jimbo la Kilolo kupitia Chama Cha Mapinduzi Mh Venance Mwamoto aliwahi kufika eneo la kituo akitokea katika ziara ya kikazi na kupewa taarifa hizo kisha alikwenda eneo la Tukio na kutoa msaada kwa kuwafikisha hospitali ya Ilula huku wengine waliokua na hali sio nzuri aliwapeleka hospitali ya Rufaa ya Mkoani Iringa.

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.