NI MARUFUKU KUTOA TAARIFA ZA CHAKULA

Dc Kasesela Akitoa maelekezo kwa watendaji wa vijiji

Akizungumza katika kikao kilichowahusisha Watendaji wa Vijiji pamoja na Wenyeviti wa Mitaa ambacho kilihudhuriwa naa Mkurugenzi wa Manispaa ya Iringa bwana Williamu Mafwele ambaye mwenyekiti wa kikao hicho alikua Mh Mkuu wa Wilaya ya Iringa Richard Kasesela ambao walikutana kujadili maendeleo pamoja na ufafanuzi wa kodi wa nyumba ambao utahusisha ubora wa nyumba.

Katika kikao hicho DC KASESELA amewataka Watendaji wa vijiji kuto toa taarifa zozote zinazohusiana na hali ya Chakula katika Maeneo yao kwani kumekua na taarifa ambazo sio rasmi zinahusisha mtu mmoja kua na njaa na kujumuisha watu wote kua kuna njaa huku wengine wakitoa taarifa katika vyombo vya habari kua kuna njaa.

“Kuanzia sasa, wiki iliyopita hata mwezi uliopita na kuendelea Ni marufuku kutoa taarifa zozote zinazohusiana na Chakula kama hujaambiwa na mkubwa wako, lete taarifa kwangu mimi, leta taarifa kwa Afisa tarafa na leta taarifa kwa mtendaji kata halafu tutakaa kikao kujadili na kuangalia kwa pamoja na kubaini kua kuna tatizo”. Alisema Kasesela

Aidha Kasesela akasema kua kweli kuna maeneo hayajapata mvua na  amepata taarifa kua kuna baadhi ya maeneo Tembo amekula mazao na amepokea taarifa hizo kutoka kijiji cha Kiwele kua Tembo amekula Mazao hivyo kwa vyovyote vile watu hao watahitaji msaada wa chakula.

Sambamba na hilo Mkuu huyo wa Wilaya YA Iringa akawataka watendaji hao kuhakikisha wanawaelimisha wananchi wao kuhusu Utapia mlo na haswa kulivalia njuga swala hilo ili kuweza kutokomeza kabisa utapiamlo na watoto wanapata chakula bora.

“Mwaka jana sikutaka kuwasumbua lakini mwaka huu lazima tuhakikishe watoto wote wanaoisha katika nyumba zote wanapata lishe iliyo bora, Na niseme tu kua wengi wenu mnadharau kula Dona mimi jana nimepiga dona na ndio maana mnaniona nina Afya njema kama hivi”. Alisema Kasesela.

Kasesela akawaambia wenyeviti wa Mitaa kua anatambua hali za mazingira magumu wanayofanyia kazi nab ado wanayashughulikia ili wawe katika hali nzuri huku akisema kua anachukia hali hiyo na akawaahidi kua analifanyia kazi pamoja na Mkurugenzi.

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.