MTENDAJI ALAMBA FEDHA ZA KIJIJI, WANANCHI WALIA NAE

Picha haihusiani na tukio husika

WANANCHI wa kijiji na kata ya Ikolo tarafa ya Unyakyusa wilayani Kyela mkoani Mbeya,wameikataa taarifa ya mapato na matumizi ya afisa mtendaji wa kijiji hicho,Danken Mwasipu  wakidai kuwa inamapungufu lukuki huku wakimtuhumu kuuza viwanja vya kijiji kinyemela pasipo kuingiza fedha kwenye akaunti ya kijiji.

Wananchi hao,wamefanya mkutano mkuu wa kusomewa mapato na matumizi lakini ulivurugika baada ya afisa mtendaji na mwenyekiti wa kijiji kushindwa kutolea maelezo fedha za miradi ya kijiji walizokusanya.

Mwasipu anatuhumiwa kwa ubadhirifu wa fedha zitokanazo na mauzo ya lasilimali mbalimbali za kijiji ikiwemo miti ya mbao,ushuru wa bidhaa na ukodishwaji wa mashamba pamoja na kuchukua fedha kwa ajili ya kumilikisha ardhi pasipo mkutano mkuu.

Wananchi   kijijini  hapo  wamekiambia  kituo  hiki  kuwa  afisa  mtenda huyo amekuwa  akipokea  fedha   za miladi  ya  kijiji na  kufanyia   kazi   zake na  huku  mwenyekiti  wa  kijiji  hicho akishindwa  kuwajibika  na  kuwataka  walejeshe  fedha hizo.

Wamesema   chanzo  ni  baada  ya  siku  za  hivi  karibuni  mtendaji  huyo  alipewa  fedha   kias  cha  shilling  laki nane  800000/=   ili  azipeleke  benki  lakini  cha   kusikitisha  fedha   hizo   hazikupelekwa    benki  na  huku  kila  wakihoji  wamekuwa  wakipigwa  dana dana  kama  mpira  wa kona  na  kuona  kama  wanahujumiwa  kimachomacho.

Kwa upande wake afisa mtendaji wa kijiji hicho,Danken Mwasipu,amesema ni kweli alipokea fedha hizo za umilikishaji ardhi lakini alishindwa kuiingiza kwenye kijiji kutokana na kuwa na migogoro ya mipaka na kuwa endapo wale waliotoa fedha hizo wakizihitaji wafike ofisini kwake atawarejeshea.

Mwenyekiti wa kijiji hicho,Bonifasi Mwakilema licha ya kukiri kuwepo kwa tuhuma hizo,amesema ndiyo maana wanafanya mikutano ili kila kitu kiwe wazi na kuwa anawaomba wanakijiji kupitia mkutano waipokee taarifa hiyo ili mambo mengine yafuate,kitu ambacho kilipingwa vikali na wananchi hao.

Diwani wa kata hiyo,Angomwile Mumbimbe,amekili kuwepo na tuhuma hizo na kudai kuwa aliwaeleza wananchi kuwa wafuate taratibu za madai yao pasipo kuvunja amani iliyopo na kuhusu ujenzi wa vyoo amesema ujenzi uendelee pesa zitolewe na Mtendaji na ikionekana umekwama atabeba lawama zote.

Mpaka kikao hicho kinavunjika,wananchi waliikataa taarifa hiyo wakihitaji fedha zote ziingizwe kwenye akaunti ya kijiji kabla ya kuendelea na ajenda zingine na kusema kuwa wiki ijayo wataenda ofisini kwa mkuu wa wilaya ili aweze kuingilia kati suala hilo.

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.