Wanajeshi 7 wa Saudi Arabia waangamizwa na vikosi vya wananchi wa Yemen

 

 Jeshi la Yemen na vikosi vya wananchi wa nchi hiyo vimejibu uchokozi na jinai za Saudi Arabia na washirika wake kwa kuwaangamiza wanajeshi saba wa Saudia.

Kanali ya Televisheni ya al-Masirah imeripoti kwamba, jeshi la Yemen na vikosi vya kujitolea vya wananchi wa nchi hiyo vimefanya mashambulio dhidi ya kituo kimoja cha kijeshi cha Saudia kilichoanzishwa hivi karibuni huko Najran kusini mwa nchi hiyo ambapo mbali na kufanya uharibifu mkubwa vimewaangamiza wanajeshi saba wa nchi hiyo.

Aidha makumi ya wanajeshi wa Saudia wanaripotiwa kujeruhiwa katika mashambulio hayo huku hali ya baadhi yao ikiwa mbaya.

 

Taarifa zaidi zinasema kuwa, mashambulio ya jana ya makombora ya jeshi la Yemen na vikosi vya kujitolea vya wananchi ndani ya ardhi ya Saudia vimesababisha hasara kubwa. Aidha maeneo kadhaa ya mamluki wa Saudia kusini magharibi mwa Yemen yameshambuliwa na kusambaratishwa mamluki hao.

Saudia kwa kushirikiana na Marekani, Israel, Uingereza na baadhi ya nchi za Kiarabu, ilianzisha mashambulizi ya kichokozi nchini Yemen mwezi Machi mwaka 2015 ambapo katika hujuma hizo zaidi ya watu elfu 12 wamepoteza maisha. Hii ni katika hali ambayo Saudia na washirika wake hao wameshindwa kufikia malengo yao ya kumrejesha madarakani kwa nguvu kibaraka wao, Abdrabbuh Mansur Hadi rais wa zamani wa Yemen aliyejiuzulu na kutoroka nchi.

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.