Kati ya watu wanne mmojawapo ana dalili za ugonjwa wa akili

Kati ya watu wazima wanne na watoto watano mmojawapo ana dalili za ugonjwa wa akili kwa mujibu wa takwimu zilizofanywa na wataamu wa afya ya akili katika kipindi cha mwaka jana.
 

Akizungumzia mtaalamu wa afya ya akili katika Wilaya ya Iringa vijijini  Dkt Bruno O. Ndunguru Alisema kuwa wagonjwa wa akili wamekuwa wakibaguliwa na kunyanyaswa na jamii kutokana na imani potofu hususani kutokana na  sababu zinazosababisha magonjwa ya akili pamoja na kutofahamu kuhusu matibabu ya magonjwa ya akili.

Alisema kuwa magonjwa ya akili yanasababishwa na vyanzo vya afya mbaya ya akili ikiwemo kijamii ambapo inaambatana na matukio katika maisha mfano kufiwa, kupoteza ajira na kisaikolojia mtu anashindwa kupambana na misongo pamoja na uwezo mdogo wakujiamini wakati huohuo  kimaumbile/kimwili  hii ni  kutokana  na sababu za kurithi,lishe  duni,magonjwa ya kuambukiza na madhara yatokanayo  na kupata ajali. 

“tunaamini kuwa kila binadamu ana kumbana  na vitu vingi sana sasa  unaposhindwa kuhimili vile vishindo katika maisha yako baadae unaweza ukaishia kuchanganyikiwa na pia homoni zinapopungua au kuongezeka zinaweza  kusababisha magonjwa ya akili kwahiyo  ziwe za wastani”alisema

Pia Dkt alifafanua kuwa magonjwa ya akili ni  magonjwa yanayoathiri akili na kusababisha usumbufu mdogo au mkubwa katika mawazo na mwenendo au tabia na matokeo yake hupelekea kushindwa kukabiliana na mahitaji/shughuli za kawaida za maisha.

Aidha alisema kuwa magonjwa ya akili yapo ya aina nyingi na mengi huwa hayatambuliki kwa urahisi kwa jamii na hata kwa watoa huduma wa afya na hivyo wagonjwa wengi huchelewa kupata matibabu stahiki.

Alisema zipo dalili zinazoashiria magonjwa hayo ya akili ikiwa  ni pamoja na kihisia, kimwili, na kiakili  ambapo binadamu ana kosa furaha na kuhuzunika sana,kuwa na furaha kupita kiasi,wasiwasi ,hasira za haraka hadi kufikia kupiga wengine  kusahau kwa haraka  kukosa usingizi na  msongo wa mawazo.

“kunywa pombe kupita kiasi mtu anaweza kunywa pombe na kulala bar pamoja na kujitenga

 ukiziona dalili hizo jua una ugua magonjwa ya akili “alisema Dkt.

Sambamba na hayo alisema kuwa magonjwa ya akili yanatibika ikiwa  ni pamoja na  tiba za kisaikolojia,dawa mbalimbali za kutibu magonjwa ya akili, shughuli za kazi ambazo zinamsaidia mgonjwa kutengemaa ufanisi wake.

Hata hivyo Dkt Ndunguru  alisema kuwa kwa upande wa wilaya ya iringa vijijini wameanzisha clinic ambayo ipo katika hospitali ya Ipamba kata ya Kalenga na  inasaidia kuwahudumia wagonjwa wa akili pamoja nakuendelea kutoa elimu katika jamii jambo litalosaidia kupunguza dhana potofu juu ya magonjwa hayo.

Alisema kuwa endapo mtu anaumwa na akapima hana ugonjwa wowote jua kuwa ana matatizo katika ubongo wake na hivyo anashauriwa kumuona daktari wa magonjwa hayo ili apate tiba haraka iwezekanavyo.

Ameiomba serikali pamoja na wadau wa mbalimbali  kuwekeza kwa wingi katika  kitengo cha magonjwa ya akili kwani  kimesahaulika hali inayopelekea  kukwamisha kitengo hicho kutopiga hatua.

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.