WANAO TUMIA OVYO NAMBA ZA DHARURA KUCHUKULIWA HATUA

Kamanda wa jeshi la Zima moto Kennedy Komba

Na, Dajari Mgidange

Imeelezwa kua kuna baadhi ya wananchi wamekua wakitumia vibaya namba za dharura kwa kupiga namba hizo bila ya kua na tatizo lolote ambalo wangetakiwa kusaidiwa na mamlaka husika.

Hayo yamezungumza na Kamanda wa Jeshi la Zima moto Mkoa wa Iringa Bwana Kennedy Komba alipokua akizungumza na Matukio Daima amesema wamekua wakipokea simu mbalimbali ambazo sio rasmi kutoka kwa baadhi ya wananchi huku wakidhani wanapokea matukio ya moto kitu ambacho sio sahihi.

“Tumekua tukipokea simu mbalimbali wakisema vitu ambavyo hata havihusiani na zima moto simu yetu inaruhusu kupokea simu moja tu sasa wakati wakipiga simu hiyo kunakua labda na mhanga ambaye kwa wakati huo angehitaji kusaidiwa hivyo hawezi kusaidiwa kwa wakati”. Alisema Komba.

Aidha Komba amesema kua tayari wameanza kushirikiana na Jeshi la Polisi ili kuweza kuwabaini watu hao wanao tumia namba vibaya ya zima moto na punde watakao kamatwa watafunguliwa mashitaka na kupelekwa mahakani.

Komba amewataka wananchi kuweza kutumia namba hiyo ya 114 ambayo inatumika kupokea matukio na majanga ya moto kutoka kwa wananchi ili kuweza kuripoti matukio hayo muhimu na sio kueleza mambo mengine ambayo hayahusiani na jeshi hilo la zima moto, Akitolea mfano Komba alisema, “Kuna mtu alipiga simu akasema hapo ni Zima moto na Akasema kua alikua anajaribu kua kama hua tunapokea simu”.

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.