HABARI ZOTE

Wanairinga wampongeza Askofu kutimiza miaka 25 ya Uaskofu

Na, Dajari Mgidange

Baadhi ya viongozi waliohudhuria ni pamoja na mch. Msigwa

Waziri mkuu mstaafu Edward Lowassa

Rais mstaafu Benjamini Mkapa

Sherehe ambazo zilifanyika katika viwanja vya kanisa la Roman Catholic Kihesa tar 1 Julai 2014 kumuaga Askofu Tarcisius J.M Ngalalekumtwa zikiwa zimeambatana na baadhi ya viongozi wakubwa wa Serikali. Baadhi ya viongozi hao ambaye  mgeni rasmi alikua  ni Mh. Waziri Mkuu Mizengo Kayanza Peter Pinda na wengine ni Mh. Spika wa Bunge la Jamhuri ya Muungano wa Tanzania Anna Makinda, Rais Mstaafu Mh. Benjamini William Mkapa, Waziri Mkuu Mstaafu  Mh. Edward Ngoyai Lowasa, Mkuu wa Mkoa wa Iringa Dr. Christine Ishengoma, Mbunge wa jimbo la Iringa mjini Mch. Peter Msigwa pamoja na Mbunge wa viti maalum Iringa Ritha Kabati na viongozi wengine wa Kisiasa.

Makamu Raisi Baraza la Maaskofu Tanzania Bw.Severine Rweguzi alisema kutimiza Miaka 25 ya Uaskofu ni furaha kwetu sote tangu Januari mwaka 1989 mpaka sasa 2014. “Mchungaji mwema hujitoa uhai kwaajili ya kondoo wake na wewe ni Mchungaji mwema umehudumu nafasi mbalimbali tangu uongozi wa Msekwa”, Alisema Askofu. Pia aliongeza kwa kusema tangu aliposhika nafasi ya Uaskofu amekua mwema, mkarimu na mwenye misimamo imara na kwahilo wamemshukuru pamoja na kuwepo na baadhi ya changamoto mbalimbali na mengi ameyashuhudia Mema , Mabaya na kukatishwa tama lakini alisimama imara pamoja na mabati meupe aliyokua nayo kichwani hakika yeye ni Jembe Jembe la Kanisa,  Mungu azidi kukubaliki ili uzidi kutenda vyema.

Pia aliongeza kwa kugusia Serikali na kusema kua, “Tumeshuhudia mambo mengi ya aibu ambayo yanaendelea ndani ya Bunge la Jamhuri ya Muungano wa Tanzania ambapo baadhi ya Wabunge hawajiheshimu na sasa sisi Wananchi tuko njia panda kama Katiba itapatikana au haitapatikana na ninawaomba Wabunge wa Upinzani waweze kurejea bungeni na kukuamilisha Katiba”.

Mgeni rasmi ambaye ni Waziri Mkuu Mh. Mizengo Kayanza Peter Pinda ambaye alikaribishwa na Mkuu wa Mkoa wa Iringa Dr. Christine Ishengoma alisema, “Mwaka 1988 alipoteuliwa katika ngazi hii ya Uaskofu alikwenda Ruvuma na tulishukuru sana kwa ujio wake lakini muda mfupi tukasikia amehamishiwa Iringa. Nimesikia kua kichwani una mvi lakini mimi naona badotunakuhitaji kutokana na mazuri mengi uliyofanya kwa kua na Mashehe Masi 6 wanaotarajiwa kua Maaskofu pia Maseminari 200, shule za msingi, Shule za sekondari 6, Chuo cha ufundi na kuhakikisha kua na chuo kikuu kishiriki RUCO pamoja na vituo vya afya 6”.

Pia mheshimiwa Waziri Mkuu alimsifu kwa kua na mvuto katika watu na akamtaka Askofu kuwaombea kutokana na mambo yaliyo ndani ya siasa yao. Kuhusu Katiba Mheshimiwa Mizengo alisema bado tunahitaji Katiba itakayotuongoza kwa miaka mingi zaidi ijayo na kwa kuwa mwamuzi wa mwisho ni Mwananchi, ambaye ataamua kwa kupiga kura ya maoni.

Sherehe hizo ziliambatana na zawadi mbalimbali pamoja na kuhudhuliwa na baadhi ya maaskofu wengi kutoka kila pembe ya nchi na wananchi wengi kufurika eneo hilo huku kukiambatana na ulinzi mkali kwa kukaguliwa kwa kila mwananchi aliyekua akiingia viwanjani hapo.

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.