HABARI ZOTE

Mfumo mpya wa Biometric Voter Registration(BVR) kutumika kuboresha daftari la kudumu la wapiga kura kwa awamu ya Kwanza

Na, Dajari Mgidange

Jaji mstaafu kulia John Mkwawa

Denis Mlowe akiuliza swali kwa Tume

Akizungumza na waandishi wa habari kamishna wa Tume yaTaifa Uchaguzi Mheshimiwa Jaji John J. Mkwawa katika ukumbi wa mkutano wa Ofisi ya Mkuu wa Mkoa wa Iringa jana tarehe  02 Julai 2014, alisema kuwa Tume inatarajia kufanya uboreshaji wa Daftari la kudumu la Wapiga kura kwa awamu ya kwanza hivi karibuni kwa kutumia Teknolojia mpya ya Biometric Voter Registration (BVR).

Jaji aliongeza kwa kusema kwamba, “Mfumo wa Biometric Voter Registration (BVR) ni mfumo wa kuchukua au kupima taarifa za mtu za Kibaolojia au tabia ya mwanadamu na kuzihifadhi katika kanzi Data (Database) kwaajili ya utambuzi. Mfumo huu hutumika katika kumtambua binadamu na kumtofautisha na mwingine. Taarifa za mtu za kibaolojia au tabia za mwanadamu ziko nyingi hata hivyo kwaajili ya kuandikisha wapiga kura alama za vidole kumi(10) vya mikono, picha na saini ndizo zitakozochukuliwa na kuhifadhiwa kwenye kanzi Data (Database) ya wapiga kura. Kwa kutumia mfumo huu mpya wa BVR, Wananchi wote wenye sifa za kuwa wapiga kura na wale walio na kadi za mpiga kura watatakiwa kuandikishwa upya”.

Pia Jaji alisema kua mfumo huu utasaidia kuwa na Daftari sahihi na linaloaminika zaidi kwaajili ya upigaji wa Kura ya maoni na uchaguzi Mkuu wa mwaka 2015 na Tume inapenda ieleweke kwamba Biometric Voter Registration Kit (BVR-Kit) itatumika tu kwaajili ya kuandikisha wapiga kura na sio vinginevyo. Uamuzi wa matumizi ya BVR umefikiwa kutokana na changamoto zilizojitokeza katika matumizi ya Teknolojia ya Optical Mark Recognition (OMR). Matumizi ya OMR yalisababisha kwa kiasi kikubwa Daftari la kudumu la wapiga kura kua na Kasoro.

 Na Mkurugenzi Idara ya  Habari NEC Bi Ruth Masham aliongeza kwa kusema Biometric Voter Registration (BVR) ni mfumo wa kuchukua au kupima taarifa za mtu za kibaolojia au tabia ya mwanadamu na kuzihifadhi katika Kanzi Data (Database) kwaajili ya utambuzi. Matumizi makubwa ya Teknolojia hii ni kujaribu kujibu maswali makubwa mawili, huyu ni nani na je ni kweli huyu ndiye yeye. “Kuna aina mbalimbali za biometric features ambazo zinaweza kutumika katika kumtambua mtu na kumtofautisha na mwingine kama vile, alama za vidole, sura, mpangilio wa mikono, mboni ya jicho, sauti, saini ya mtu, mwendo na harufu, lakini kwaajili ya kuandikisha wapiga kura alama za vidole vyote kumi(10), picha na saini ndizo zitakazochukuliwa na kuhifadhiwa kwenye Kanzi Data ya Wapiga Kura”.

Moja ya maswali yaliyoulizwa na baadhi ya waandishi wa habari waliokusanyika katika kikao hicho ni pamoja na mwandishi Frank Leonard ambaye aliuliza ni kiasi gani cha watu wanatarajiwa kuwaandikishwa na kujibiwa na Jaji John Mkwawa kuwa wanaotarajiwa kuandikishwa ni milioni 20 na walioongezeka ni milioni 6 kwahiyo jumla yao ni Watanzania milioni ishirini na sita (26)

Wananchi wametakiwa kwenda kwenye vituo vya kujiandikisha pindi muda utakapowadia na kujiandikisha kwani ni muhimu sana na vitambulisho vya kupigia Kura vitatolewa vipya na zoezi zima la kujiandikisha litadumu kwa muda wa siku kumi na nne(14) au wiki mbili Kwenye vituo vyao vya kupiga Kura.

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.