HABARI ZOTE

Wananchi waaswa kutowanyanyasa Watoto Iringa

Picha na Dajari Mgidange

MH.MEYA AMANI MWAMWINDI

Akizungumza na Wananchi pamoja na watoto waliohudhuria katika sikukuu ya mototo wa Afrika katika viwanja vya Mwembetogwa vilivyopo kata ya Makorongoni mjini Iringa, Mh. Meya Amani Mwamwindi amewataka Wananchi siku ya mototo wa Afrika kupinga utumikishwaji wa watoto katika ajira mbaya, mauaji ya Albino, Ubakaji, Ulawiti, Vipigo na kutelekezwa watoto na wazazi.

“Maadhimisho haya hufanyika kila mwaka kwa lengo la kuikumbusha jamii haki za watoto. Tukio hili ni kubwa lina umuhimu wake katika manispaa yetu, Taifa na Kimataifa tukio hili ni kumbukumbu ya watoto wapatao 15,000 waliouwawa na makaburu huko Soweto Afrika Kusini tarehe 16/06/1976 wakipinga maamuzi ya serikali hiyo kuwafundisha watoto lugha ya Kikaburu”. Alisema Mh. Meya.

Pia alioongeza kwa kusema, ”Kila mwaka katika maadhimisho haya huambatana na kauli mbiu, kauli mbiu ya mwaka huu inasema KUPATA ELIMU BORA ISIYO NA VIKWAZO NI HAKI YA KILA MTOTO, Kauli mbiu hii imetilia mkazo kwa wazazi, walezi, familia, serikali na wadau mbalimbali wanaojishughulisha na shughuli za maendeleo ya watoto kwa kuliangalia kundi hili, kuhakikisha wanapata haki zao za msingi za kupata elimu bila vikwazo kwa msingi kwamba mtoto awapo shuleni hatakiwi kunyanyaswa kwani haki yake yeye ni kusoma na kupata Elimu, masuala ya ada, michango mbalimbali nijukumu la mzazi au mlezi, kumekuwepo na tabia ya baadhi ya watoto kurudishwa majumbani pale mtoto anapokua hajakamilisha baadhi ya michango au ada ,hilo ni jukumu la wazazi”.

Regina Mushi ambaye ni mzazi alisema siku ya mtoto  wa Afrika ni siku nzuri kwa watoto kwani imeweza kuwakutanisha pamoja na kujadili changamoto zao pamoja. Pia kumekuepo na changamoto ya baadhi ya wazazi/ walezi kuwafungia watoto ndani na mwingine aliweza kumfungia mtoto kwenye boksi na hatimae baadae kufariki, Bi Regina alisema, “tukio hilo ni baya na pia ni kama changamoto kwa wazazi kwani watu wote waliweza kuliona tukio lile kwahiyo wanapokutana na matukio kama hayo au wanapoona waweze kuripoti katika vituo vya polisi”.

Pia mtoto Henry Mwalongo alisema,”siku ya motto wa Afrika inawahimiza wazazi kutowanyanyasa watoto hasa katika swala la elimu kutupatia elimu isiyo na vikwazo vya aina yoyote ile”. Pia Bw. Tonny Adamms kutoka kiwanda cha ASAS Dairies alisema kua wao wakua wakishiriki katika matamasha mbalimbali likiwemo hili la watoto na hata yanayo wahusu vijana  napia wameweza kutoa maziwa paketi mia tano(500) kwa watoto walioshiriki siku hiyo na pia kiwanda cha pipi cha Ivory waliweza kutoa pipi 600. Na kuweza kuwapatia watoto wote walioweza kushiriki katika siku hiyo.

Sikukuu hii huweza kuadhimishwa kila mwaka ya tarehe 16 mwezi wa 06 ya kila mwaka barani Afrika ambayo kihistoria iliwekwa kutokana na watoto walioweza kupoteza maisha yao nchini Afrika ya kusini ambao walikua wakiandamana kupinga lugha wanayofundishiwa huko mashuleni ya Kikaburu na huweza kuadhimishwa kupinga ukatili na unyanyasaji wa watoto barani Afrika.

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.