RASMI KASEKE ATUA SINGIDA UNITED

WINGA Deus Kaseke ameandikisha historia nyingine kwenye maisha yake ya kucheza kandanda baada ya usiku wa kuamkia leo kujiunga na timu iliyopanda daraja ya Singida United kwa mkataba wa miaka miwili.

Kaseke anayecheza nafasi ya winga ya kushoto amejiunga na Singida United inayonolewa na kocha wake wa zamani Mdachi Hans Van Pluijm,akiwa mchezaji huru baada ya kumaliza mkataba wake na mabingwa watetezi wa taji la ligi kuu bara,Yanga.

Kaseke alijiunga na Yanga miaka miwili iliyopita akitokea Mbeya City ya mkoani Mbeya kwa ada ya uhamisho ya Shilingi Milioni 35.

Akiwa na Yanga,Kaseke aliisaidia timu hiyo ya mtaa wa Jangwani kutwaa mara mbili mfululizo ubingwa wa taji la ligi kuu bara pamoja na na kombe la FA.

Pia Kaseke alikuwa sehemu ya kikosi cha Yanga ambacho mwaka 2016 kilitinga hatuna ya robo fainali ya kombe la shirikisho barani Afrika ambapo kilipangwa kundi moja na timu za TP Mazembe (Congo),Mo Bejaia (Algeria) na Medeama (Ghana).

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.