LUKAKU ANA KAZI NGUMU UNITED

Manchester United ni timu yenye jina kubwa, na kila mchezaji anayecheza katika klabu hii anaaminika kuwa na uwezo mkubwa, Giggs amempa onyo Lukaku

Ryan Giggs amedai kuwa mchezaji mpya wa Manchester United Romelu Lukaku atalazimika kuwa mgumu sasa kwa saabu atakuwa akicheza Old Trafford.

Mshambuliaji huyo wa Everton amejiunga na Mashetani Wekundu dirisha la uhamisho wa majira ya joto ambao inaaminika walilipa ada ya paundi milioni 75 kumsajili, na inaweza kuongezeka hadi paundi milioni 90 kutokana na gharama nyingine.

Lukaku, ambaye amefunga mabao 25 Ligi Kuu Uingereza msimu uliopita, amewahi kuiwakilisha Chelsea, West Bromwich Albion na Everton, lakini Giggs anaamini presha kubwa itakuwa juu yake akiwa ndani ya fulana ya United.

“Atapata shinikizo ambalo hajawahi kupata kamwe akiwa West Brom, au Chelsea au Everton,” Giggs alikiambia Sky Sports News.

“Presha itakuwa juu yake. Kwa hiyo anahitaji kuwa na ngozi ngumu, anahitaji kuwasikiliza makocha, kwa sababu hiyo ndiyo siri pekee, na ikiwa atapoteza nafasi, mechi itakayofuata atalazimika kurekebisha, kwa sababu kama mshambuliaji wa kati katika kikosi cha United, presha inakuwa juu yako muda wote. Nadhani atafunga magoli mengi, lakini anahitaji kushinda kila mechi.

“Nimemuona kidogo Alvaro Morata; Lakini Lukaku nimemwona zaidi. Faida ya Lukaku ni kwamba amecheza Ligi Kuu Uingereza na Jose Mourinho amewahi kufanya naye kazi hapo awali. Ni rafiki wa Paul Pogba, hayo yote yatamsaidia kuzoea mazingira ya Old Trafford haraka.”

Lukaku amepewa jezi nambari tisa kufuatia kuondoka kwa Zlatan Ibrahimovic.

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.