Nyie lieni tu, ila Wenger ndio kwanza anafikiria msimu ujao.

Kati ya makocha waliopo katika wakati mgumu kwa sasa Arsene Wenger anaongoza.Matokeo mabovu ndani ya ligi Uingereza yamewachosha mashabiki na kuanza kumshambulia Mfaransa huyo.Achilia mbali kinachomtokea Wenger katika ligi ya Uingereza lakini kipigo mujarabu katika ligi ya klabu bingwa Ulaya kimemfanya Wenger azidi kuwa na wakati mgumu.

Huku mashabiki wa Arsenal wakishinikiza Wenger aondoke,Wenger mwenyewe ana uhakika wa kuwa kocha msimu ujao.Japokuwa Wenger hajasema moja kwa moja kwamba atakuwa kocha wa Arsenal msimu ujao lakini Mtandao huu unaelewa kwamba mkataba wa miaka miwili mingine upo mezani kwake na ataamua mwenyewe kusaini au kuacha ila kufukuzwa ni ngumu.

 

“Sina mashaka kuhusu msimu ujao,nina uhakika nitakuwa kocha wa hapahapa au mahala pengine,kwa sasa nina mambo ya kuangalia lakini sio kuhusu maisha yangu ya mbeleni,inabidi kwanza tuangalie nini kitapatikana hadi mwisho wa msimu huu inabidi niiangalie zaidi Arsenal na sio mimi kama mimi” alisema Wenger.

 

Wenger hapo mwanzo aliwahi kusema kati ya mwezi wa tatu au wanne atatoa maamuzi yake kuhusu uwepo wake katika timu hiyo.Lakini Wenger sasa anasema hakumaanisha hivyo ila alitaja mwezi wa tatu au wanne kwakuwa yeye binafsi hajui ni lini atato maamuzi kuhusu mustakabali wake na Arsenal.

 

Wenger pia amekanusha habari zilizosambaa kwamba kulikuwa na ugomvi katika vyumba vya kubadilishia nguo katika safari yao ya Ujerumani.Kuhusu maoni ya bodi ya timu juu yake Wenger amesisitiza kwamba lazima bodi ifanye maamuzi sahihi ya kuisaidia Arsenal sii tu kwa sasa bali pia huko mbeleni.“Mwanzoni sikudhani kama naweza kukaa hapa kwa miaka 20,nilipata nafasi sehemu mbali mbali lakini mapenzi yangu na timu hii ndio maana hadi sasa niko hapa” alisema Wenger.

 

“Hata nikiondoka Arsenal haitaishinda mechi zote,kwanza wakati nakuja hapa walikuwa wana mechi chache za UEFA kuliki baada ya mimi kuja hapa,mimi sio mtu wa kwanza kushindwa kubeba UEFA na Arsenal,nilipokuja hapa pia hawakuwa na hilo kombe” alimalizia Wenger.

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.