MANE KUANZA MAZOEZI WIKI IJAYO

Sadio Mane anatarajia kuanza mazoezi kamili wiki ijayo baada ya kupona majeraha ya goti na atashiriki mechi za kujianda.

Mane hajasafiri na timu kuelekea Asia kwa ajili ya mechi za kirafiki kwa sababu anaendelea na matibabu yake lakini anatarajiwa kuwa fiti na kujiunga na timu kwa ajili ya safari ya Ujerumani kukabiliana na Hertha Berlin July 29.

Mane alifanyiwa upasuaji wa goti April baada ya kuumia katika mechi ya ushindi wa 3-1 dhidi ya majirani zao Everton uwanjani Anfield.

“Sadio anaelekea kurudi ,”Alisema kocha Jurgen Klopp,”Plani atakwenda na sisi Ujerumani”.

“Tumekuwa tukisubiri kwa muda mrefu sasa.Yupo  Melwood kila muda na afya njema”.

“Bahati mbaya hakuwa tayari kufanya mazoezi lakini anaonekana yuko vizuri,jeraha linaonekana kupona na atakuwa salama tukirudi”.

Mane alifunga magoli 13 msimu uliopita ya ligi baada ya kujiunga na Liverpool kwa ada ya £34m akitokea Southampton.

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.