WATU MILIONI 7 HUFA KWA UVUTAJI WA TUMBAKU

Shirika la Afya Duniani (WHO) limesema watu 7.2 milioni sawa na asilimia 80 hufariki dunia kila mwaka duniani kutokana na matumizi ya tumbaku.

Taarifa iliyosomwa leo na mwakilishi wa mkurugenzi wa WHO nchini, Neema Kileo inaonyesha kuwa watu 146,000 wenye umri chini ya miaka 30 hufariki dunia barani Afrika kutokana na magonjwa yanayotokana na matumizi ya tumbaku.

"Magonjwa yanayouwa zaidi kutokana na matumizi ya tumbaku ni pamoja na saratani ya mapafu, kisukari, magonjwa sugu ya mapafu, kuzaa watoto njiti, na kuharibika kwa mimba kwa mama mjamzito" amesema Kileo

Pia amesema watu 600,000 ambao si watumiaji wa sigara hufariki dunia kila mwaka kutokana na kuvuta moshi wa sigara kutoka kwa wavutaji wa sigara./Mwananchi

Share on Google Plus

Ahsante kwa kutembelea site yangu, unaweza kunicheki kwenye mitandao ya kijamii kwa kubonyeza icons juu kulia na kunipata moja kwa moja kwenye Facebook, Twitter na Instagram...Endelea kuwa karibu yangu ili uweze kufikiwa na chochote kinachonifika.